भोजपुरी प्रज्ञा प्रतिष्ठानको आयोजनामा कबीरको ६२९ औं जयन्ती एवं विश्व भोजपुरी दिवसको सन्दर्भ पारेर २०८३ साल असार १५ गते एक कार्यक्रम आयोजना गरियो ।
भोजपुरी प्रज्ञा प्रतिष्ठानका अध्यक्ष आनन्द गुप्ताको सभापतित्वमा सम्पन्न कार्यक्रमको प्रमुख अतिथि भाषा आयोगका माननीय सदस्य मातृका पोखरेल हुनुहुन्थ्यो । कार्यक्रमको सुरूको चरणमा साहित्यकार रितेश त्रिपाठीले डा. गोपाल ठाकुर, स्वेता दिप्ती, दिनेश गुप्तासँग 'वर्तमान सन्दर्भमें कबीर' विषयमा एक परिचर्चा कार्यक्रम संचालन गर्नुभएको थियो ।
कार्यक्रममा लीलाधर स्मृति पुरस्कार, २०८३ बाट दीपक कुमार गुप्ता , अफिमी लाल - परमेश्वरी देवी भोजपुरी सेवा पुरस्कार, २०८३ बाट विकाउ गिरी 'विनित' , भोजपुरी पत्रकारिता पुरस्कार, २०८३ बाट रामप्रसाद साहलाई प्रमुख अतिथि मातृका पोखरेल, भाषा आयोगका पूर्व अध्यक्ष डा. गोपाल ठाकुर, पूर्वमन्त्री डा . वंशिधर मिश्र लगापतले पुरस्कृत गर्नुभएको थियो ।
पुरस्कार संस्थापक पूर्वमन्त्री डा. बंशीधर मिश्र, ढुनराज शर्मा पन्थी, निर्णायक मण्डलका तर्फबाट सलमान खातुन, भाषा आयोगका पूर्व अध्यक्ष डा. गोपाल ठाकुर, राजनीतिक विश्लेषक डा. शोभाकर पराजुली, प्राज्ञ हंसावती कुर्मी, कंचन झा, पत्रकार मोहन सिंह, भाषा आयोगका माननीय सदस्य डा. पुस्करराज भट्टलगायत वक्ताहरुले शुभकामना मन्तव्य राख्नु भएको थियो ।
उक्त कार्यक्रमको संचालन प्रियंका पाण्डेले गर्नुभएको थियो । भोजपुरी प्रज्ञा- प्रतिष्ठनका सदस्य प्रतिमा चौधरीले धन्यवाद सहित कार्यक्रमलाई समापन गर्नुभएको थियो ।
000
No comments:
Post a Comment