२०८१ साल मंसिर २९ गते सिर्जना अभियान समाजको आयोजनामा भएको स्रष्टा संवाद तथा कृति विमर्श कार्यक्रममा स्रष्टा गोपाल अश्कलाई प्रस्तुत गरिएको छ । कार्यक्रममा स्रष्टा समालोचकहरूले स्रष्टा गोपाल अश्कको सिर्जनाबारे विमर्श गरे ।
कार्यक्रममा प्रमुख वक्ता डा. पुष्करराज भट्टले स्रष्टा अश्क नेपाली लगायत भोजपुरी, हिन्दी र अंग्रेजी आदि विविध भाषाका साहित्यमा पनि कलम चलाउँदै आएका स्रष्टा बताउँदै उनले नेपाली लघुकथाको सिद्धान्तबारे पहिलो पटक कृति लेखेर यो विधालाई स्थापित गराउन महत्वपूर्ण योगदान गरेको बताए ।
कथाकार धुव मधिकर्मीले स्रष्टा अश्क लघुकथाका सर्जकका साथै द्रष्टा पनि भएको बताउँदै उनको हालै प्रकाशित लघुकथा प्रक्रिया र पाठ कृतिले नेपाली लघुकथाको समग्र रूपमा परिचय दिन सफल भएको उल्लेख गरे ।
साहित्यकार मातृका पोखरेलले स्रष्टा तथा समालोचक अश्कलाई शुभकामना दिँदै उनको कृति लघुकथा प्रकृया र पाठ परिवर्धित संस्करणको प्रकाशनले लघुकथाकारलाई फाइदा पुग्ने बताए ।
कार्यक्रममा लघुकथा लेखकहरू आर आर चौलागाइँ, ममता मृदुल र दीपक लोहनीले स्रष्टा अश्कका कृतिमाथि विविध जिज्ञासा राखेका थिए ।
कार्यक्रम समाजका अध्यक्ष धनमान श्रेष्ठको सभापतित्वमा भएको थियो ।
000
No comments:
Post a Comment